XALO

Ez ê niha te çawa li baskên hevokên xwe yên tirsonek siwar bikim..

Êdî tu hêz nemaye di dilê min ê westiyayî lêdide de..

Ma wê bikarîbe êdî çend çûyînên bêwext hilîne.

Rihê ku laşê min ê bêhêz dipêçe çiqas giran e xalo…

Ez ê niha çawa bipêçim birînên dayîka xwe…

Çawa bibêjim,Roj li me çû ava..

Tirsa salane ku di dilê me de wek şûşekê şikest…

Bû çirûsk û riya me ronî dike xalo..

Çawa xalo…

Erê xaloo, evîna te lûtkeyên çiyayên welatê min bû

Li baskê teyreke baz siwar bû û gehişt gerdûnê…

Gerdûn ronî dibe bi nûra te Ji ber ku gerdûn evîn e..

Efsûna riya te li ser rûbarê dilan diherike..

Çavên te yên xeyalên bêdawî jê dirêjîn û kenên te

Bila min jî bi kenên te binax bikin xaloo