Ev bû sê sal.
Sê sal e ku min di dilê xwe de kelheyek nepenî ava kiriye ji sirên te…
Û min qala te qet nekiriye.
Ne ji şevên kor, ne ji stêrkên şemitî û ne jî ji xewnexofan re.
Ji ber ku çîroka tariyan e çîroka me
Û bê xwedî ye…
Dilê min hîn jî dîl maye di mijangên çavên te de
Û bi xencerên awirên te birîndar e..
Tijî axîn û kovan e.
Kujerê dil e êşa nayê gotin û li dil nayên kirin çi timtêl û kifin…
Bi kul in, bi keser û bêdengin êşên te,
Xwekujin…mêrkujin êşên te.
Diweşînin hemû pelên xwe..
Çi baranên germ nebarîne li ser vî dil î
Ji bilî qeşaya te.
Pênûsa min jî bû cemser li ber siya nizara te
Û tijî tûrek birîn e
Helbest jî lerizîna dil e
Ma ez ê çawa bikaribim ji vî dilê sar risteyên germ binivîsîm ku dilşad bikim rûyê te
Rûheyvê ; çawa dilşad bikim rûyê te
Bu İçeriğe Emojiyle Tepki Ver
Çok Kızdım
0
Tebrikler
0
Aşık Oldum
0
Aşırı Duygusal
0
Wuuuu
0
Çok Komik
0